iss Eid per jo mil na sake hum tou kya hua

iss eid par ju mil na sakay ham tu kya huwa,

jazbon main ho khaloos tu eid'ein hazaar hain

Zeena Zeena Dil mein utraa Hai

IntikhaaB-E-Sukhan.blogspot.com

ZEENA ZEENA DIL MAIN UTRA HAI..

JAISA MAIN NE SOCHA THA..

WAISA ROOP USKA HA..

JAZBA MERA, USKA HA..

TARZ-E-SUKHAN BHI MUJH SA HA..

SEHRAMEIN BONDH KI MANIND..

PYAR USKA BARASTA HAI...

MAIN NE DEKHA HA DIL USKA...

BILKUL DEWANO K JAISA HAI..

US KI SHOKH ANKHON MEIN..

DOBE SARE JAZBON PE..

HAQ, AB SIRF MERA HAI...

YE BHEEGTA, BARASTA MAUSAM..

DIL USKA BHI TARAPTA HA...

GAWAH HA HIJAR KA MAUSAM...

MILAN ABHI APNA ADHORA HA...!

Jugnu ko Qaid kar k Muskaraya na karo

Jugnu ko qaid kar k muskaraya na karo,
Roshni ki khatir kisi ka dil jalaya na karo,

...

Sitam karna haikaro par itna na karo!
Yaad nahi karsakte to yad aaya na karo?.

Haq meri Mohabbat ka Adaa Kyun Nahi Karte

haq meri muhabbat ka ada kyun nahi karte
tum dard toh dete ho dawa kyun nahi karte
...
kyun behte ho khamosh si raah mein mere aagay
na roau mere marne ki dua kyun nahi karte
...
phoolon ki tarah jism hai .. pathar ki tarah dil
meri jaan tum mujhse waffa kyun nahi karte
...
aankhon ki adalat se .. barri kar toh diya hai
afsos meri jaan riha kyun nahi karte
...
tum dard toh dete ho dawa kyun nahi karte
haq meri muhabbat ka ada kyun nahi karte.

Ajab Pagal Si Larki Hai

Ajab Pagal Si Larki Hai
Mujhay her khat main likhti hai
“Mujhay tum yaad kertay ho?
Tumhain main yaad aati hooN?”
meri baatain satati hain
meri neendain jagati hain
meri aankhain rulaati hain
december ke sunehri dhoop main abb bhi teheltay ho?
kisi khamosh rustay se
koi awaaz aati hai?
Thatharti sard raatoN main
tum abb bhi chhatt pe jaatay ho?
falak ke sab sitarooN ko
meri baatain sunatay ho?
kitaboN se tumharay ishq main koi kami aai?
ya mairi yaad ke shiddat se aankhoN main nami aai?
Ajab pagal Si larki hai
mujhay her khat main likhti hai..
Jawaban ous ko likhta hooN..
meri masroofiyat daikho subah se shaam office main
chiragh-i-umer jalta hai
phir ous k baad duniya kee
kaee majbooriyan pao`n main bairi daal rakhti hain
mujhay bay-fikr, chahat se bharay sapnay nahin dikhtay
Tehelnay, jagnay, ronay kee mohlat hee nahin milti
sitarooN se millay arsa hua..naraz hon shayad
kitabooN se shughaf maira abhi waisay he qayem hai
farq itna parra hai ab ounahin arsay main parhta hooN
tumhain kis ne kaha pagli tumhain main yaad kerta hooN
ke main khud ko bhulanay kee musalsal justajoo main hooN
tumhain na yaad aanay kee musalsal justajoo main hooN
mager yeh justajoo meri bohat nakaam rehti hai
mere din raat main abb bhee tumhari shaam rehti hai
mere lafzooN ki her maala tumharay naam rehti hai
tumhain kis ne kaha pagli tumhain main yaad kerta hooN
poorani baat hai jo log akser gungunatay hain
ounhain hamm yaad kertay hain jinahin hamm bhool jatay hain
ajab pagal si lerki ho
meri masroofiyat daikhoo
tumhain dil se bhulaooN tu tumhari yaad aaye na
tumhain dil se bulanay kee mujhay fursat nahin milti
aur iss masroof jeewan main
tumahray khat ka ikk jumla
“tumhain main yaad aati hooN ?”
meri chahat ki shiddat main kami honay nahin daita
bohat raatain jagata hai mujhay sonay nahin daita
so agli baar apnay khat main yeh jumla nahin likhna
ajab pagal si larki hai mujhay phir bhee ye likhti hai
mujhay tum yaad kertay ho tumhain main yaad aati hooN ?

Larkiyan Bewafa Nahi Hoti

Larkiyan bewafa nhi hoti.

Wo to majburiyon min lipti hen

.Apne shiddat bhare khayalon min.

 Apne andar chupi aik aurat min.

Wo hamesha hi darti rehti hen.

 Na to jeeti hen, na to marti hen.

 Larkiyan bewafa nhi hoti.

 Par hamesha hi darti rehti hen.

 Apne reet or rawajon se.

 Ane wale naye azabon se.

 Zarurat min khile ghulabon se.

 Piyar karti hen or chupati hen.

 Larkiyan bewafa nhi hoti.

Kiyon k majburiyon min lipti hen

 Aur har lamha darti rehti hen.

 Apne piyar se, apne saye se

 Apne rishton se, dil ki dharkan se.

 Apni khwahish se, apni khushyon se.