Tumhare Khat Mein Naya Ik Salam Kis Ka Tha?

Tumhare Khat Mein Naya Ik Salam Kis Ka Tha?

Na Tha Raqeeb To Aakhir Wo Naam Kis Ka Tha?

Wo Qatal Kar Ke Mujhe Har Kisi Se Poochte Hain
Ye Kaam Kis Ka Hai? Ye Kaam Kis Ka Tha?

Wafa Karein Ge, Nibhaen Ge, Baat Maanain Ge
Tumhein Bhi Yaad Hai Kuch, Ye Kalaam Kia Ka Tha?

Raha Na Dil Mein Wo Be_Dard Aur Dard Raha
Muqeem Kon Hua Hai, Maqaam Kis Ka Tha?

Na Pooch Gach Thi Kisi Ki Wahan Na Aao Bhagat
Tumhari Bazm Mein Kal Ehtamam Kis Ka Tha?

Tamam Bazam Jisy Sun Ke Reh Gai Mushtaaq
Kaho Wo Tazkara-E-Naa Tamam Kis Ka Tha?

Guzar Gaya Wo Zamana, Kahoon To Kis Se Kahoon?
Khayal Dil Ko Mere Subh-O-Shaam Kis Ka Tha?

( Daagh Dehlvi )

Teri Sorat Se Kisi Ki Nahi Milti Soorat

Teri Sorat Se Kisi Ki Nahi Milti Soorat

Ham Jahan Mai Teri Tasveer Lye Phirte Hain

( Daagh Dehlvi )

Gilay Shikwe Kahan Tak Hon Gay, Aadhi Raat Tu Guzri

Gilay Shikwe Kahan Tak Hon Gay, Aadhi Raat Tu Guzri

Perishan Tum Bi Hote Ho, Perishan Ham Bi Hote Hain

Kisi Ka Wa’ada Dedar Tu Ae Dagh Barhaq Hai

Magar Ye Dekhiye Dil Shad Us Din Ham Bi Hote Hain

( Daagh Dehlvi )

Kia Zoaq Hai Kia Shoq Hai So Martba Dekhon

Kia Zoaq Hai Kia Shoq Hai So Martba Dekhon

Phir Bi Ye Khon Jalwa Jana Nahi Dekha

Kia Pojte Ho Kon Hai Ye? Kis Ki Hai Shuhrat

Kia Tum Ne Kabi Dagh Ka Dewan Nahi Dekha

( Daagh Dehlvi )

Baat Meri Kabi Suni Hi Nahi Jante Wo Buri Bhali Hi Nahi

Baat Meri Kabi Suni Hi Nahi
Jante Wo Buri Bhali Hi Nahi

Dil Lagi Un Ki Dil Lagi Hi Nahi
Ranj Bi Be Faqt Hansi Hi Nahi

Lutf Maay Tuj Se Kia Kahon Zahid
Haye Kambakhat Tu Ne Pi Hi Nahi

Ur Gayi Yun Wafa Zamane Se
Kabi Goya Kisi Mai Thi Hi Nahi

Jaan Kya Don Ke Janta Hun Main
Tum Ne Ye Cheez Le Ke Di Hi Nahi

Ham Tu Dushman Ko Dost Kar Lete Hain
Par Karin Kya Teri Khushi Hi Nahi

Ham Teri Aarzo Pe Jete Hain
Ye Nahi Hai Tu Zindagi Hi Nahi

Dil Lagi Dil Lagi Nahi Nasih
Tere Dil Ko Abi Lagi Hi Nahi

Daagh Kun Tum Ko Bewafa Kehta
Wo Shkayat Ka Aadmi Hi Nahi

( Daagh Dehlvi )

Khoob Parda Hai Chilman Se Lage Bethe Hain

Khoob Parda Hai Chilman Se Lage Bethe Hain




Saaf Chupte Bi Nahi Samne Aate Bi Nahi

( Daagh Dehlvi )

Daagh Aankhein Nikalte Hain Wo

Daagh Aankhein Nikalte Hain Wo

Un Ko De Do Nikal Kar Aankhein

( Daagh Dehlvi )