main tha masroof abhi khoon-e-jiger peene mein
میں تھا مصروف ابھی خونِ جگر پینے میں
پھر مسیحا نے چھرا گھونپ دیا سینے میں
ایسے لگتا ہے مری سانسیں بہت قیمتی ہیں
مشکلیں اتنی جو حائل ہیں مرے جینے میں
کیا منافع سے سروکار ہو ہم کو کہ جہاں
اپنا نقصان بھی آتا نہیں تخمینے میں
کیسی تہذیب کے وارث ہیں یہ اہلِ مغرب
پھر سے یک جاں ہیں مسلماں کا لہو پینے میں
ایسے لگتا ہے کہ آئے ہیں کسی پستی سے
جن کو افلاک نظر آنے لگے زینے میں
No comments:
Post a Comment