Apne Ihsaas Se Cho Kar Muje Sandal Kar Do
Main Ke Sadiyon Se Adhora Hon Mukamal Kar Do
Na Tumhain Hosh Rahe Aur Na Muje Hosh Rahe
Is Qadar Toot Ke Chaho Muje Pagal Kar Do
Tum Hatheli Ko Mere Pyar Ki Mehndi Se Rango
Apne Aankhon Me Mere Naam Ka Kajal Kar Do
Us Ke Saye Mein Mere Khwab Dhak Uthen Gain
Mere Chahre Pey Chamkta Hoa Aanchal Kar Do
Dhop Hi Dhop Hoon Main Toot Ke Barso Muj Par
Is Qadar Barso Meri Roh Mein Jal Thal Kar Do
Tum Chupa Lo Mera Dil Aot Mein Apne Dil Ki
Aur Muje Meri Nigahon Se Bi Ojal Kar Do
Masla Hon Tu Nigahain Na Churao Muj Se
Apni Chahat Se Twaja Se Muje Hal Kar Do
Apne Gham Se Kaho Har Waqt Mere Sath Rahe
Aik Ehsan karo Is Ko Musalsal Kar Do
Muj Pe Cha Jao Kisi Aag Ki Sorat Jana
Aur Meri Zaat Ko Sokha Hoa Jungle Kar Do
No comments:
Post a Comment