yeh chaahat bhi ajab si hoti hai

yeh chaahat bhi ajab si hoti hai

yeh chaahat bhi ajab si hoti hai

kuch na hotay huway bhi sab kuch hoti hai





rang birangi kaanch ki chooriyon si hoti hai

pehan lo to shokh khanak

toot jaaye to ik chubhan si hoti hai





phool par thehri shabnam si hoti hai

saja kay ik ik patti

phisalti hui saath chor saa deti hai





fiza mein phaili khusboo si hoti hai

pal bhar ko apni

phir door faasilon mein phaili si hoti hai





badaltay mausam taiz hawaaon si hoti hai

khilay to bahaar jaisay

rukh badlay to khizaan si hoti hai





yeh chaahat bhi ajab si hoti hai

kuch na hotay huway bhi sab kuch hoti hai