Yaad aati rehi bus ussi shaam ki
Yaad aati rehi bus ussi shaam ki
Jo manaai gayi thi teray naam ki
choriyuN ki khanak ab mujhey na suna
chahataiN ab nahi ye meray kaam ki
baarishoN se lagay dar buhat iss baras
khair maango sabhi ab dar-o-baam ki
zindagi ke sabhi rang bhikarney lagay
reh gayi hain ye saansain to bus naam ki
meh kaday may na jao kahain wo humain
kia karain barh rehi piyaas phir jam ki
No comments:
Post a Comment