tishna kaami ki saza do to maza aa jaye
tishna.kaami ki saza do to maza aa jaye
tum hamain zehar pila do to maza aa jaye
meer.e.mehfil bane bethe hain bare naaz se hum
humain mehfil se utha do to maza aa jaye
tum ne ehsaan kia tha jo hamin chaaha tha
ab wo ehsaan jata do to maza aa jaye
apne yousuf ko zulekha ki tarah tum bhi kabhi
kuch haseenon se mila do to maza aa jaye
chain parta hee nahi hai tumhain ab mere beghair
ab jo tum mujh ko ganwa do to maza aa jaye
No comments:
Post a Comment