Saja k ankhon me khwab rakhna, wafa k rishty gulaab rakhna

Saja k ankhon me khwab rakhna, wafa k rishty gulaab rakhna...!

Faseel e shab me charagh ban kr, ye zindagi mahtaab rakhna...!

Yun ishq ka imtihan dena, k dil k badly me jaan dena,

Jo chand chun'ny ki arzu ho to justju lajawab rakhna...!

Hazar baten bnaye dunya, hazar dil ko dukhaye dunya,

Bhula k sari aziyaton ko, utha k kanty,,gulaab rakhna...!

Kabhi zamany se chup chupa k, sakoot e shab me diye bhuja k,

Hathelion ko dua ki shamma, tu ankh apni chanab rakhna...!

Adawaten bhi khuda ki khatir, muhabaten b khuda ki khatir,

Adawaten bas gini chuni hon,
Muhabaten behisaab rakhna...!