na hi manzil mili , na koi aashna, main bhatakti rahi, safr jaari raha

na hi manzil mili , na koi aashna, main bhatakti rahi, safr jaari raha

na hi manzil mili na koi aashna, main bhatakti rahi, safr jaari raha

umar-e-chand roz ka lamha lahma yahan main ne tanha saha garchay bhari raha



yeh muqaddar ke madd-o-jazar kiya kahoon? ke main shahsdar rahi, kuch bhi keh na saki

woh mujhe daikh kar ajnabi ban gaya jo merey rastoN ka pujari raha



mujh say pucho nahin tum Khuda ke liye, main nahin janti muskurahat hai kia

ke main jabtak rahi to mere dais main aalam-e-wehshat-o-sog taari raha



na koi aarzoo hai na shikwa gila, yeh bhi acha huwa mera dil bujh gaya

warna jab tak raha yeh mere wastay mustaqil wajha-e-bayqaraari raha



aisa kiyoonkar huwa…sochti hi rahi, main dukhon ke qafas main umar bhar rahi

main kisay dosh doon ke meri raah main…mera apna muqaddar shikaari raha



woh mila to bhi ankhon ko aansoo milay, na mila to bhi hontoN pe aahain raheeN

woh ajab shakhs tha ke har ik haal main…wajha-e-bay sabab sogwaari raha