Jo hadsay ye jahan meray naam karta hay

Jo hadsay ye jahan meray naam karta hay

Jo hadsay ye jahan meray naam karta hay

mera shaoor usay nazr e jaam karta hay



Hamaray chak e gariban say khelnay walo

hamen bahar ka sooraj salam karta hay



Hamhi say qaos o qazah ko mili hay rangini

hamaray dar pe zamana qayam karta hay



Ye mekada hay, yahan ki har ek shay ka huzoor

gham e hayat bohat ahtram karta hay



Faqih e sheher nay tuhmat lagai Saghar par

ye shakhs dard ki daolat ko aam karta hay