Jahan tera naqsh-e-qadam dekhtay hain
Jahan tera naqsh-e-qadam dekhtay hain
khayaban khayaban iram dekhtay hain
Dil aashuftagan khal e kunj dehen kay
sawaida me sair e adam dekhtay hain
Teray sar o qamat say ek qad e aadam
qayamat kay fitnay ko kam dekhtay hain
Tamasha! keh aey mehw e aaynadari
tujhay kis tamanna say ham dekhtay hain
Bana kay faqeeron ka ham bhais Ghalib
tamasha e ahl e karam dekhtay hain
No comments:
Post a Comment