dunya se wafa kar ke silaa Dhoondh rahe hain
dunya se wafa kar ke silaa Dhoondh rahe hain
ham log bhi nadan hain ye kya Dhoondh rahe hain
kuch dair Thahar jaye banda-e-insaaf
hum apne gunaahon main Khata Dhoondh rahe hain
ye bhi to sazaa hai ki giraftar-e-wafa hoon
kyun log mohabbat ki sazaa Dhoondh rahe hain
dunya ki tamannaa thi kabhi hum ko bhi 'Faakir'
ab zaKhm-e-tamannaa ki dava Dhondh rahe hain
No comments:
Post a Comment