Deewaro-dar khamosh dareecon pyaas hai
Deewaro-dar khmosh dareecon pyaas hai
kya jane shehr kisliye itnaa udaas hai.
bichhde huoN ki yaad kahiN aas-paas hai
barish ki pehli sham ka manzar udaas hai.
un ki kise khabar hai pataa kis se poochhiye
bichhde huoN ki yaad yahaaN kiske paas hai.
is soch meiN khadaa huN, use kya jawaab duN
wo mujh se poochhta hai ki tu kyuN udaas hai.
ab ke baras bhi wo to subaksar hi jayega
saawan se kya bujhegi wo sehra ki pyaas hai.
lagtaa hai jaNgaloN ki zamiN par basi hai wo
basti meiN itna kisliye khaufo-hiraas hai.
barish ne jate-jate palat kar kahaa ‘nizam’
teri ye umr hai ki sulgatii kapaas hai.
No comments:
Post a Comment