Ye Aarzu Thi Kabi Titliyan hi Dekh Aaen By Razab Tabraiz

( Poet: Razab Tabraiz ) 

Ye Arzu Thi, kabi Titliyan hi Dekh aaen*
Chaman me Hansti hui Larkiyan hi Dekh aaen*

Suna hai ! Daur e Khizan bhi hai Yadgar e Bahaar*
Chalo ! K Bikhri hui Pattiyan hi Dekh aaen*

Utho ! K Hum bhi karen Apna Asman Takhliq*
Ragon me Behti hui Bijiliyan hi Dekh Aaen*

Wo muFlisi me Bhala kese Din Guzaarta hai*
Gharib e Shehar ki, Sargarmiyan hi Dekh aaen*

Mila k Hath, Khudi ne kaha Muqadar se*
Jo Chal pare hen to AnhOniyan hi Dekh aaen*

AroOj e zaUm ka, Shayad k ToOt jaey Tilism*
Guzashtgaan pe Bani Dhairiyan hi Dekh aaen*

Zaruraten Na Sahi, Hasraten To Puri hOn*
Kharid Sakte Nahi, To Dukan hi Dekh Aaen*

Jo Urr sakin, wo Hwa sath le Uri kab ki*
Jo Bach rahi hen, wo Achhaiyan hi Dekh aaen*

Gurez krti hui Khalq se Zra Hat kar*
Kalaam krti hui Khidkiyan hi Dekh Aaen*

Ye Hum se kalay kahan, Aur kahan Hasin RAZAB*
Chalo k GaalOn ki kuch, laaliYan hi Dekh aaen...!